Balmasedak Zoko Maitea espazioaren etorkizuna definitzeko prozesu parte-hartzailea bultzatuko du.
Herritarrek parte hartzeko prozesua jarri dugu abian, Zoko Maitea lursail historikoaren etorkizuneko erabilera elkarrekin diseinatzeko. Gune hau aukera paregabea da aisialdirako, kulturarako eta herritar guztien zerbitzura egongo den topagune berri bat sortzeko.
Proiektua premisa argi batekin sortu da: bizilagunak diseinuaren erdigunean jartzea. Prozesu horren bidez, Udalak herritarren beharrak, nahiak eta itxaropenak jaso nahi ditu, udalerriaren benetako pultsuari erantzungo dion eta haren komunitate-nortasuna indartuko duen espazio bat eratzeko.Zoko Maiteak ingurune inklusiboa, belaunaldien artekoa eta irekia izan nahi du, ongizatea, bizi-ohitura osasungarriak eta gizarte-kohesioa sustatuko dituena, Garapen Jasangarriko 3. Helburuaren (Osasuna eta Ongizatea) printzipioen ildotik.
Herritar guztiei irekitako prozesua
Prozesu parte-hartzailea hainbat fasetan garatuko da, eta hainbat kanal eta metodologia konbinatuko ditu, ahalik eta irisgarritasun eta inklusio handiena bermatzeko. Aurreikusitako ekintzen artean, hauek nabarmentzen dira:
- Ekainaren 4an prozesua aurkezteko saio ireki bat egingo da, finkara bisita gidatua eta ideien lehen bilketa barne. 18:00etan irtengo gara udaletxeko ataritik.
- Online eta formatu fisikoan galdetegi bat prestatu da, herritar guztiek parte har dezaten. Ekainaren 28ra arte egongo da eskuragarri.
- Udalerriko gizarte-, kultura- eta kirol-eragileei elkarrizketak egingo zaie ekainean eta uztailean.
- Hainbat tailer presentzial antolatuko dira, espazioen beharrak, erabilerak eta diseinua definitzeko.
- Azken itzulketa-saio bat izango dugu, emaitzak eta jarduketa-proposamenak aurkezteko.
Prozesuak 26 aste inguru iraungo du, eta neurri espezifikoak izango ditu horrelako ekimenetan presentzia txikiagoa duten kolektiboen parte-hartzea sustatzeko.
Landing bat prozesuaren ardatz gisa
Proiektuaren funtsezko zati gisa, Udalak landing page espezifiko bat diseinatu du, prozesuaren ardatz gisa funtzionatuko duena. Gune digital horrek informazio garrantzitsu guztia bilduko du, faseen jarraipena egiteko aukera emango du eta jardueretan parte hartzeko bide gisa balioko du.
Plataforma etengabe eguneratuko da, gardentasuna bermatuz eta interesdun orok proiektuaren aurrerapenak denbora errealean eskuratu ahal izatea erraztuz.
Balmasedako etorkizuna guztion artean eraikitzen
Ekimen honekin, Udalak herritarren parte-hartzearekin eta espazio publikoen eraikuntza kolektiboarekin duen konpromisoa berresten du. Azken helburua Zoko Maitea udalerriaren oraingo eta etorkizuneko beharrak islatuko dituen topaleku gisa diseinatzea da, lotura komunitarioak indartuz eta herritar guztientzat gozatzeko aukera berriak sortuz.
Datozen egunetan jakinaraziko dira prozesuan parte hartzeko egun eta bide zehatzak.
Informazio gehiago: https://www.zokomaitea.eus
