- > Castellano

Bizkaiko XXVI Itzuliaren irabazlea Gonzalo Tavares lasterkaria izan da, Bairrada taldekoa, eta bere taldekide Antonio Morgadok podiumeko bigarren postua lortu du. Azkenik, hirugarren sailkatua Iván Romero izan da, MMR-Academy-koa.

Nahiz eta MMR-Academy, Zappi Junior Race Team eta Bathco taldeetako lasterkarien ihes-saiakerak une oro kontrolatuta egon diren, azkenean Bathco taldeko Lucas López izan da bakarrik joatea lortu duena. Atzetik, Barriada taldeak lasterketa kontrolatzen zuen, bi liderrak mantenduta. 99,70 kilometroko ibilbidean, kirolariek Umarango hirugarren kategoriako mendateari egin behar izan diote aurre, Avellanedako mendatearen igoera alderdi bietatik hirutan, eta azken urrats bietan jaitsiera eta bigarren kategoriako Beziko gainerako igoera lotu behar izan dituzte. Etengabeko erasoek, Avellanedako bigarren iraganaldiak eta Beziko lehenak, edizioko lasterkari onenen hautaketa naturala egin dute; izan ere, bertan zeuden Gonzalo Tavares sailkapen nagusiko liderra, bere kide eta puntuen aldetik liderra den Antonio Morgado, eta Iván Romero, behin-behineko sailkapenean hirugarrena.

Tropelak ezarritako erritmoak gazteengan eragina izan du, lau egun gogorrek akituta. Bezitik azkenengoz igaro direnean, etapa bukatzeko 10 kilometro eskasera, Bairrada taldeko liderra taldetik aldentzen hasi zen, bakarrik utziz Estiven Brayan Molano (Bathco), Antonio Morgado (Bairrada) eta Iván Romero eta Hugo de la Calle taldekideak. Azken horrek lan handia egin du bere taldekideak ez zezan kontaktua galdu ihesean zeuden beste biekin. Azkenean Iván Romerok abiada hartu zuen Balmasedako helmugan, bukaera azkarretan bere maisutza erakutsiz.

Eola Kometa taldeko Zenteny Szijarto izan da mendiko sailkapeneko irabazlea. AG2R talde frantseseko Benjamin Peatfield lasterkaria izan da maillot urdinaren irabazlea tarteko helmugen sailkapenean. Erregulartasunaren saria Antonio Morgadok lortu du, eta lehen euskalduna —bizkaitarra, hain zuzen— Xabier Aransolo izan da, Nabiga 360 taldekoa.

Lerro hauen bitartez antolatzaileek, Balmasedako Txirrindulari Elkarteak, eskerrak eman nahi ditu lasterkarien parte-hartzeagatik, ikusleen eredugarritasunagatik eta, nola ez, babesle eta laguntzaile guztiei, urtez urte 16 eta 18 urte bitarteko kirolarientzat prestakuntza-proba hau sustatzeagatik (Europako egutegiko probarik onenetakotzat jotzen dena, bide batez).