- > Castellano

Kultur ondarea oso gutxitan da pertsona bakar baten egintza. Izan ere, bat gatozen ekintzak, gure bizitzari benetan zentzua ematen diotenak eta inplikatu eta esku hartzera bultzatzen gaituztenak, adierazpen kolektiboak ohi dira. Eta, gainera, jendaurreko eszenaratzeak dira, ororren tokietan gertatzen dira eta parte hartzera kilikatzen gaituzte. Gure aurrekoek sortu zituzten, eta geroko belaunaldiei jakinarazteko joera dutenez, jarraitutasun sentimendua sortzen dute. Sormenaren adierazpenak dira ta jakintza-trukean eta esperientzia kolektiboan sakontzen dute, azken finean, komunitateen gizartekoitasunean.

Ondarearen Europako 2019ko Jardunaldiek, egunerokotasunetik ihes egiteko eta gure kulturaren zati bat geureganatzeko bidea ematen diguten adierazpen horiek nabarmendu nahi dituzte. Horregatik, aurten inoiz baino gehiago, herritarrei Jardunaldi horietan parte hartzeko gonbit egin nahi diegu; hain zuzen, ludikotik erritualerainokoak eta berezkotik zeremoniatsurainokoak diren baina beti partaidetasunera zabalik dauden adierazpenak antzeman eta partekatzeko. Objektu eta tokietan gauzatzen den eta aberasten eta ondorengoei helerazten jakin behar dugun teknikak eta ezagutzak dakartzan kultura-ondare biziaren alderdi ukigarriak eta ukiezinak.

Plaza, antzoki, pilotaeku, zezen-plaza eta probalekuetatik, musika-kiosko eta elizpeetatik, musika, dantz, joko, kirol eta erromeriek Bizkaiko ondarea ezagutzeko gonbit egingo digute, urtero bezala. Eta, era berean (eta hemen dago alde berria), gu protagonista bilakatzeko proposatuko digute, dantza egiten, abestiak ikasten, antzezlanak ikusten, horma-irudi artistikoa sortzen, antzinako erromesbideetatik ibiltzen, musika-tresnak fabrikatzen, herri ezberdinetako adierazpenak nahasten eta, batez ere, pertsonen eta komunitateen artean loturak sortzen. Ba al dago gure kultur ondarea babesteko modu hoberik?

Balmasedan hiru ekintza antolatu dizkigute baina beste hainbat herrietan ere baditugu zer eginak. Hemen duzu Ondarearen Europako Jardunaldien aurtengo egutegia.