- > Castellano

2022an Martín Rodríguez Seminario musikari eta konpositore handiaren jaiotzaren 150. urteurrena izango da. Horrez gain, 120 urte beteko dira San Severino elizako organo-jotzaile izateko oposizioa irabazi zuenetik, eta 60 udalerrian hil zenetik, 90 urte zituela. Horregatik guztiagatik, aldizkari honetan eta tokiko beste hedabide batzuetan oroitzeaz gain, joan den azaroaren 27an omenaldia egin zitzaion hainbat ekintzarekin.

Goizean, lore-omenaldia egin zitzaion hilobiaren aurrean, gure hilerrian, eta arratsaldean Aldapa 12 helbideko etxebizitza oroitzen duen plaka desestali zen. Amaitzeko, Míriam Cepeda organo-jotzaileak Martínek konposatutako piezen kontzertua eman zuen elizan, Diego de Amezua Bizkaiko organoaren lagunen elkarteak antolatuta. Talentu goiztiarra izan zen Martín, baita  musikari  handia  ere,  eta,  zalantzarik gabe, gauza asko zor dizkiogu, besteak beste “El Miserere” edo “Himno a Balmaseda” konposatu izana. Iruñean jaio zen, eta balmasedar bihurtu; izan ere, ez zen jaioterrira itzuli, eta hemen lurperatu zuten.