- > Castellano

Ostegun Santuan, 18:45tik 23:00etara, Pasoen Prosezioa eta Azken Afaria emanaldia eskaintzen den bitartean, zirkulazioa moztuko da San Severino plazako inguruetan (Dorre, Santo Domingo, La Magdalena pasealekua, Magdalenabarren, Aldapa, Pío Bermejillo eta Hedegile).
Ostiral Santuko 07:00etatik 12:30era, Pilatoren epaiketa eta Gurutze-bide biziduna antzeztu ahal izateko, zirkulazioa eten egingo da honako puntu hauetan: Enkarterri etorbidea (Mendia ikastetxetik), Mojazelai kalea, Presa Encimera kalearen sarrera, Felix de La Torre kalea, Foru plaza, Hedegile kalea, Martin Mendia kalea, Martin Mendia pasealekua eta Pilotalkua.
Era berean, Ostiral Santuan debekatuta egongo da pilotalekuaren alboan dagoen aparkalekuan aparkatzea.
Prozesioetan (Ehorzketaren Prozesioa eta Isiltasunaren Prozesioa) zirkulazio-arazorik egon ez daitezen, honako zati hauek moztuko dira Ostiral Santuan, 18:45etik 22:30era gutxi gora behera: San Severino plaza, Dorrea, Hedegile, Foru plaza, Hedegile kalea, Miloidunaren zubia eta Martin Mendia pasealekua.
Mesedez eskatu nahi dizuegu Ostegun Santuan, apirilaren 13an, 21:30etik 23:00etara gutxi gorabehera, San Severino plaza inguruko etxebizitzetako eta ostalaritza-establezimenduetako argiak itzaltzeko eta ahal den neurrian isilean egoteko. Halaber, arren eskatzen dugu Azken Afariaren antzezpena hasi aurreko uneetan etxera ahalik eta modu antolatu eta taldekatuenean sartzeko eta establezimenduak 21:15etik aurrera itxita uzteko.
Balmasedako Gurutze-bide Bizidunaren Elkarteak dendariei orobat eskatzen die beren erakusleihoak Aste Santuarekin zerikusia daukaten motiboez apaindu eta dekora ditzaten.
Segurtasun-gomendioak jendetza dagoenean.