- > Castellano

Maiatzaren 22an, Eusko Jaurlaritzaren jakinarazpen ofizial bat jaso genuen, eta horren bidez jakinarazi ziguten Euskadiko Energia Berriztagarrien Lurralde Plan Sektoriala hasiera batean onetsi zela. Plan horren arabera, zenbait haize-parke instalatuko dira, eta horrek zuzenean eragingo dio Balmasedari, horietako batzuk gure udalerrian instalatuko direlako. Gainera, beste kasu batzuetan, parkeak Balmasedan bertan egongo ez badira ere, horiek eraikitzeak eta bertan sortutako energia banatzeak eragina izango du gure ingurune naturalean (adibidez, Zallan instalatuko den Las Llanasko haize-parkearen kasuan). Planean bi haize-parke jartzea aurreikusten da: bat Kolitza – Garbea eremuan, eta bestea Kolitzatik Sabugalera arte, bi gailurrak batzen dituen mendilerroan barrena.

Udal-taldea eta udal-teknikariak aurkeztutako plana eta bertan aipatzen diren kokalekuak aztertzen ari dira, eta beharrezkotzat jotzen dituzten alegazioak egingo dituzte. Alegazioak aurkezteko epea 45 egun baliodunekoa da, atzoko jakinarazpenetik zenbatzen hasita.

Balmasedako Udalak beti egin izan du energia berriztagarriak erabiltzearen alde, baina gure natura- eta paisaia-ondarea ere defendatu behar dugu, hori baita Enkarterriko herri eta ondasun gisa daukagun aktiborik handiena. Gainera, kasu honetan eraginpean egongo den media, Kolitza, oso enblematikoa da.

Iritzi berekoak dira Enkarterriko herritar eta udal gehienak, eta dagoeneko adierazi dute ez daudela ados planarekin eta alegazioak egiteko asmoa daukatela.